文俊的生日

昨天是文俊的生日，
我們一行八人去了雅蘭的潭魚頭打邊爐，
一聽到「魚頭」，感覺已經不太良好，
點知仲要等到八點半先有得食，
簡直餓到發瘋，詳問之下，原來是九點後有$128任食
怪不得思傑約我們八點半啦，查實係去等位。
我係學校到捱左好耐，終於等到七點，思傑叫我同佢去買蛋糕，
我地係家樂坊到等，我一見到佢，二話不說就衝入去，係strawberry到揀蛋糕，
點知思傑話貴，叫我走，我地就係旺角到兜兜轉轉，結果俾佢搵到個「平`靚、正」的蛋糕，
成為$48。
去到潭魚頭，我地攞左張食物紙來睇，都有好多野食，仲有d係要另外加$，好似海鮮等，主角緊係未到啦，
再睇清楚d，全部要加$的食物，都寫着「沽清」，實在無理由，一問，原來係思傑做左手腳，
佢話等文俊來到，唔駛等佢亂叫野食，哈哈......咁都得!!!
實在估唔到d野食咁ok，食物大碟又新鮮，價錢唔算貴，同我們平時個d酒樓打邊爐埋單差不多價錢。
最值得推介的是瑤柱冬瓜花膠湯底，我雖然不喜歡吃花膠，但湯底味道一流，好似媽咪自己煲既湯。
還有佢用來點食物的特製醬料，味道很清，我覺得絕對底食。(九點後，聽講九點前散叫較貴)